Áður en grafið er

Áður en grafið er er mjög mikilvægt að sækja um teikningar sem sýna legu lagna í jörðinni. Rétt er að taka fram að ekki má nota teikningar sem sýndar í vefsjá viðkomandi sveitarfélags. Þetta á við hvort sem grafið er innan eða utan lóðamarka.

Hér má sækja um lagnateikningar. Einnig má heimsækja okkur á Bæjarháls 1 og nálgast teikningarnar. Við hvetjum líka alla til að hafa samband við okkur í síma 516 6000 áður en gröftur hefst.

Það geta alltaf verið skekkjur í teikningunum og því er öruggast að fá bilanaleitarmenn okkar í að finna veitulagnir áður en grafið er. Þeirra viðhorf er að betra sé að vera kallaður út einum of oft en einum of sjaldan. Þeir eru með góðan búnað til að hlusta út strengi og pípur eða mæla þá út frá föstum viðmiðum. Ekki hika við að biðja um þjónustu þeirra, hún er veitt án endurgjalds og fæst með því að hringja í síma 516 6000.

Óheimilt er að grafa við eða moka ofan jarðvegsyfirborði þar sem 132000 V strengir liggja, nær en 3metra fjarlægð við legu strengja.

Til að tryggja bæði öryggi framkvæmdaaðila og rekstraröryggi rafveitu, vilja Veitur þar sem kostur er gera háspennustrengi spennulausa. Hafa skal í huga að afgreiðslutími línurofa eru 4 dagar. 

Efnisyfirlit

  • Teikningar af legu veitulagna
  • Á að grafa utan lóðamarka?
  • Breytingar á lögnum
  • Ábyrgð
  • Finna lagnir
  • Eftirlitsmenn
  • Hættusvæði við 132 kV rafstrengi
  • Varasamar vatnslagnir
  • Heitt vatn er hættulegt
  • Mikilvægar gagnaveitulagnir