21. febrúar 2019 - 22:41
Uppfært kl.06:07 - nú ætti þrýstingur að vera orðinn eðlilegur aftur hjá öllum nema í húsum í Grænukinn en þar, því miður, kom upp önnur bilun og er unnið að viðgerð þar ennþá.
Uppfært kl.04:40 - nú er viðgerð lokið og er byrjað að hleypa rólega þrýsting á kerfið aftur. Athugið að það getur tekið nokkurn tíma fyrir allt kerfið að ná upp fullum þrýstingi.
Uppfært kl.03:20 - því miður tekur viðgerðin lengri tíma en áætlað var en vonast er til að hægt verði að hleypa á aftur á næstu tveimur klukkustundum.
Uppfært kl.01:10 - íbúar á stærra svæði gætu verið að upplifa heitavatnsleysi eða minni þrýsting en svo virðist sem að þetta nái alveg suður að Strandgötu.Þeas milli Lækjargötu og Strandgötu. Enn er unnið að viðgerð.
Uppfært kl.23:50 - okkar menn eru búnir að finna bilunina og byrjaðir að gera við. Reiknað er með að vatnið komi þó ekki á fyrr en í fyrsta lagi klukkan 03:00 í nótt.
Vegna bilunar er heitavatnslaust í hluta Hafnarfjarðar. Götur sem eru heitavatnslausar eru Kinnarnar, hluti af Hringbraut, Öldugata og hluti Lækjargötu fim. 21. febrúar kl. 22:00-00:00. Sjá nánar á korti .
Viðgerð stendur yfir en ekki er enn vitað hvenær henni líkur.
Fólki er bent á að hafa skrúfað fyrir alla heitavatnskrana til að draga úr hættu á slysi eða tjóni þegar vatnið kemst á að nýju. Í kuldatíð er ráðlegt að hafa glugga lokaða og útidyr ekki opnar lengur en þörf krefur til að koma í veg fyrir að það kólni.
Starfsfólk Veitna biðst velvirðingar á óþægindum vegna þessa.
