Inga Dóra flyst frá Veitum til OR

17. maí 2019 - 13:30

Inga Dóra Hrólfsdóttir, framkvæmdastjóri Veitna, mun á næstunni færa sig til innan samstæðu Orkuveitu Reykjavíkur. Hún mun taka við nýju hlutverki á vettvangi móðurfélagsins samhliða því að fara í frekara nám. Inga Dóra hefur  tilkynnt stjórn Veitna ákvörðun sína og hefur verið ákveðið að auglýsa starf framkvæmdastjóra á næstunni. Að ósk stjórnarinnar mun Inga Dóra gegna starfi framkvæmdastjóra áfram um sinn.

Inga Dóra hóf störf hjá Hitaveitu Reykjavíkur 1996 og var ráðin framkvæmdastjóri Veitna við stofnun fyrirtækisins árið 2014.