Nýjar verðskrár Veitna | Veitur

Fréttir og tilkynningar

Nýjar verðskrár Veitna

01. janúar 2018 - 12:36

Dreifikostnaður rafmagns hjá Veitum lækkar lítillega nú um áramótin. Ástæðan er lækkun flutningshluta verðsins, sem Veitur innheimta fyrir Landsnet. Veitur lækkuðu sinn hluta verðsins 1. janúar 2017 um 5,8% og aftur 1. nóvember um 7,5% en í millitíðinni hafði flutningshlutinn reyndar hækkað. Lækkunin nú nemur tveimur aurum á hverja kílóvattstund.

Verðskrá hitaveitu Veitna hækkar um 1%. Það er um það bil helmingi minna en sem nemur verðbólgu á árinu 2017. Hitaveitur Veitna eru umfangsmesta þjónusta fyrirtækisins og um tveir af hverjum þremur landsmönnum fá heitt vatn úr þeim. Langstærst er hitaveitan á höfuðborgarsvæðinu en aðrar hitaveitur eru á svæðinu frá Stykkishólmi í vestri austur á Hvolsvöll.

Veruleg lækkun var á verði kalda vatnsins frá Veitum fyrir ári, eða víðast um rúm 11%. Nú hækkar verðið í samræmi við hækkun byggingavísitölu á árinu, eða um 4,5%. Hið sama gildir um fráveitugjaldið.

Smelltu hér til að sjá allar verðskrár Veitna.