Staða vatnsborða á lághitasvæðum góð

13. júlí 2022 - 13:37

Staðan á vatnsborði lághitasvæða höfuðborgarsvæðisins nálgast hæstu hæðir borið saman við síðustu ár. Ástæðan er sú að nú í sumar er öll hitaveita höfuðborgarsvæðisins rekin á vatni frá Hellisheiðar- og Nesjavallavirkjun og þannig getum við hvílt borholurnar á lághitasvæðum okkar og safnað heitu vatni fyrir veturinn.

Þetta eru afar jákvæðar fréttir enda hefur verið nokkur umræða um skort á heitu vatni undanfarið. Vegna aukinnar notkunar þurfum við að finna leiðir til að framleiða meira heitt vatn sérstaklega með sívaxandi byggð á höfuðborgarsvæðinu í huga.

Einn liður í því er þessi borholuhvíld en nú erum við að hvíla borholurnar í lengri tíma en gert hefur verið áður. Við stefnum að því að hvíla þær frá júní fram í september eða eins lengi og við treystum okkur til.

Þetta bæði eykur sjálfbærni jarðhitavinnslunnar og lengir líftíma lághitasvæðanna.

 

Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.