Um afslætti af verði á heitu vatni

07. nóvember 2019 - 12:36

Í tilefni umfjöllunar Bændablaðsins í dag vilja Veitur koma þessu á framfæri:

Í upphafi þessa árs greindu Veitur opinberlega frá breytingum á afsláttarkjörum á heitu vatni sem ganga í gildi 1. janúar 2020.

Markmið breytinganna er að auka jafnræði um afsláttarkjör Veitna gagnvart viðskiptavinum með svipaða notkun á heitu vatni, hvaða atvinnurekstur sem þeir stunda.

Stjórnendum fyrirtækja var um sama leyti tilkynnt um fyrirhugaðar breytingar og áhrif þeirra og fundað var með nokkrum þeirra. Á fundum var meðal annars boðið upp á frekara samtal um leiðir sem bætt gætu nýtingu heita vatnsins og þar með dregið úr áhrifum breytinganna.

Ný afsláttarkjör leiða ekki til breytinga á heildartekjum Veitna. Á móti hækkunum fá aðrir magnafsátt sem ekki njóta hans nú. Afslátturinn verður með þessum hætti:

Árleg notkun Afsláttur
0–50.000 m3 Enginn afsláttur
50.001–160.000 m3 10% afsláttur
160.001–259.999 m3 20% afsláttur
260.000 m3 og yfir 30% afsláttur

Almennt verð á heitu vatni til húshitunar í hitaveitu Veitna á höfuðborgarsvæðinu er nú 131,32 krónur fyrir hvern rúmmetra, án orkuskatts og virðisaukaskatts.

Á vef Veitna má finna svör við ýmsum spurningum sem kunna að vakna vegna breytinganna.