Hitaveitukerfið stóðst kuldakastið

Nú þegar mesta kuldakast síðastliðinna ára er gengið yfir landið vilja Veitur þakka fyrir skilning og góð viðbrögð almennings og fyrirtækja við ábendingum um að spara heita vatnið á meðan á kuldunum stóð.

Betri nýting heita vatnsins skilar sér með ýmsum hætti; í hagkvæmari rekstri hitaveitunnar, í buddum viðskiptavina og ekki síst í enn ábyrgari notkun á þeirri dýrmætu auðlind sem jarðhitinn er.

Það er von Veitna að viðskiptavinir hafi áfram augun á mikilvægi þess að tapa ekki varma úr húsum sínum að óþörfu og séu með ofnakerfin stillt þannig að hámarksnýtingu varmans sé náð, alltaf.

Hollráð um heitt vatn

Mynd frá Hveragerði. Ljósmyndari: Ægir Lúðvíksson.