Stjórn

Stjórn Veitna skipa Sólrún Kristjándóttir formaður, Ágúst Þorbjörnsson, Bjarni Freyr Bjarnason, Guðni Axelsson og Bára Jónsdóttir. Varamaður er Reynir Guðjónsson.

Sólrún Kristjánsdóttir

Sólrún Kristjánsdóttir

Sólrún Kristjánsdóttir, mannauðsstjóri OR, lauk BA prófi í uppeldis- og menntunarfræði frá Háskóla Íslands 1998 og meistaraprófi í stjórnun og stefnumótun frá sama skóla árið 2004. Hún hóf störf hjá Starfsmannamálum OR árið 2004, hafði umsjón með starfsþróunarmálum frá árinu 2006 og starfsmannastjóri frá árinu 2012. Áður starfaði Sólrún við kennslu og sem ráðgjafi á Stuðlum, meðferðarheimili ríkisins fyrir unglinga.

Ágúst Þorbjörnsson

Ágúst Þorbjörnsson

Ágúst Þorbjörnsson rekstrarráðgjafi lauk meistaraprófi í iðnaðarverkfræði frá háskólanum í Karlsruhe í Þýskalandi árið 1993 og stundar nú doktorsnám við Háskólann í Reykjavík. Hann hefur áratugareynslu af rekstrarráðgjöf, meðal annars hjá Hagvangi og PriceWaterhouseCoopers, og hefur rekið eigið fyrirtæki á því sviði frá árinu 1999.

Bjarni Freyr Bjarnason

Bjarni Freyr Bjarnason

Bjarni Freyr Bjarnason, aðstoðarmaður framkvæmdastjóra Fjármála OR, lauk viðskiptafræðiprófi (cand. oecon) frá HÍ 1999. Hann vann hjá Borgarendurskoðun sem fulltrúi og deildarstjóri við endurskoðun fyrirtækja Reykjavíkurborgar 1997-2001 þegar hann gerðist fjárhagsáætlunarfulltrúi Reykjavíkurborgar. Því starfi gegndi Bjarni Freyr til ársins 2006 þegar hann gekk til liðs við Orkuveitu Reykjavíkur.  Hjá OR fékkst hann lengst af við hagmál, sem sérfræðingur, deildarstjóri og forstöðumaður og frá árinu 2015 hefur hann verið aðstoðarmaður framkvæmdastjóra fjármála OR.

Guðni Axelsson

Guðni Axelsson

Guðni Axelsson er sérfræðingur í forðafræði jarðhitakerfa og sviðsstjóri kennslu og þróunar hjá Íslenskum orkurannsóknum (ÍSOR). Hann lauk doktorsprófi í jarðeðlisfræði frá Oregon State University í Bandaríkjunum árið 1985. Síðan þá hefur Guðni starfað við forðafræðirannsóknir á Íslandi og víða um heim, með áherslu á líkanreikninga, vinnslueftirlit, stýringu langtímavinnslu og sjálfbærni. Guðni hefur kennt lengi við Jarðhitaskóla Háskóla Sameinuðu þjóðanna í Reykjavík. Hann er jafnframt gestaprófessor við Verkfræði- og náttúruvísindasvið Háskóla Íslands auk þess að kenna við Háskólann í Reykjavík.

Bára Jónsdóttir

Bára Jónsdóttir

Bára Jónsdóttir, lögfræðingur hjá OR, lauk lögfræðiprófi (mag.jur.) frá Háskóla Íslands árið 2012 og fékk lögmannsréttindi 2013. Hún starfaði fyrir slitastjórn Frjálsa fjárfestingarbankans og SPRON frá útskrift til 2014. Þá tók við starf hjá Seðlabanka Íslands þar til hún gekk til liðs við Orkuveitu Reykjavíkur árið 2015. Bára á jafnframt sæti í stjórn Stéttarfélags lögfræðinga.

Reynir Guðjónsson

Reynir Guðjónsson

Reynir Guðjónsson er öryggisstjóri OR. Hann hefur langa reynslu af starfi á því sviði. Hann vann hjá Slökkviliði höfuðborgarsvæðisins um árabil og var öryggisfulltrúi hjá RioTinto-Alcan og gæðastjóri þar. Hann vann einnig sem forvarnarfulltrúi hjá VÍS um tveggja ára skeið.