Kársnesæð meðfram Hafnarfjarðarvegi, Kópavogur
- .
Veitur endurnýja hitaveitulagnir
Um verkefnið: Endurnýjun hitaveitulagna frá Borgarholtsbraut meðfram Hafnarfjarðarvegi. Hjólastígur verður lokaður á meðan framkvæmdum stendur. Hjáleiðir verða merktar, en ljóst að þær eru lengri vegna friðunar á landi næst hjólastíg.
Að lagnavinnu lokinni mun Kópavogsbær endurgera hjóla- og göngustíg meðfram Hafnarfjarðarvegi.
Áhersla er lögð á öryggi vegfarenda og starfsfólks og góða umgengni við friðað land.
Verkið er áfangaskipt:
Júní til október 2025: Frá undirgöngum neðst í brekkunni Kársnesmegin að hringtorgi við Sunnuhlíð.
Vor og sumar 2026: Frá að hringtorgi við Sunnuhlíð að Borgarholtsbraut.
Uppfært 26.8.2025: Lagnavinnu í fyrri áfanga er að ljúka. Nýja lögnin verður tengd þann 2. september og þá verða afmarkaðir hlutar Kársness heitavatnslausir: Kópavogsbraut 1 (Sunnuhlíð), Borgarholtsbraut 17 (Kópavogslaug) og Vesturvör 44-48 (Sky Lagoon). Kársnesæð er stofnlögn sem fæðir Kársnesið, en með góðum undirbúningi er hægt að halda heitu vatni á flestum húsum í hverfinu. Þegar tengingu er lokið er hægt að loka skurðum og afhenda Kópavogsbæ svæðið til hjóla- og göngustígagerðar.
Uppfært 18.6. 2025: Vegna mistaka var sett inn röng mynd af hjáleið þann 12.6. Þessi mynd sýnir rétta hjáleið í fyrsta áfanga. Unnið er að lagfæringum á hjáleið til að öll komist örugg leiðar sinnar.
Uppfært 12.6.2025: Hjáleiðir gangandi og hjólandi vegfarenda í fyrsta áfanga má sjá hér
Uppfært 12.6.2025: Til að tryggja öryggi gangandi vegfarenda er stoppistöð Strætó Kópavogsdalur (Kársnesmegin) óvirk á meðan framkvæmdum stendur og Leið 1 og 2 stoppar því ekki þar. Sjá mynd
Vinnusvæði: Í hjólastíg meðfram Hafnarfjarðarvegi, frá undirgöngum að Borgarholtsbraut
Tímaáætlun: Júní 2025 til ágúst 2026
Verktaki: Stéttarfélagið
Eftirlitsaðili: Hnit Verkfræðistofa
Verkefnastjóri: Hörður Jósef Harðarson