Sigtún í Reykjavík

Um verkefnið: Fráveitulagnir verða endurnýjaðar og sett tvöfalt kerfi, en það þýðir að ofanvatn, s.s. regnvatn, fer í sérstaka lögn og skólp í aðra. Það er bæði umhverfisvænna og hagkvæmara fyrir samfélagið til framtíðar, ekki síst vegna minna magns sem fer í gegnum hreinsistöðvar fráveitu. Slíkar lausnir eru ávallt notaðar þegar ný fráveita er lögð og það dregur úr álagi í fráveitu þegar úrkoma er mikil.

Tvöfalt kerfi fráveitu krefst þess að húseigendur tengi sínar fráveitulagnir í tvöfalt kerfi þegar heimlagnir fráveitu eru á annað borð endurnýjaðar. Nánar um heimlagnir fráveitu má lesa hér.

Lagðar verða nýjar heimlagnir að lóðarmörkum, bæði fyrir regnvatn og skólp. Heimlagnir fráveitu innan lóðar eru ávallt í eigu húseigenda.

Verkið verður unnið í áföngum og byrjað í enda götunnar. Það er ljóst að einhverjar takmarkanir verða á aðkomu bíla að húsum þar sem framkvæmdir eru hverju sinni en aðgengi hjólandi og gangandi vegfarenda verður tryggt allan tímann. Veitur munu að verki loknu ganga frá yfirborði.

Áhersla er lögð á öryggi vegfarenda og starfsfólks og ef því er ábótavant viljum við heyra af því án tafar.

Uppfært 15.10.2025: Á föstudag hefst vinna við lokaáfanga verksins. Þá verður Sigtúni frá húsi númer 33 að Gullteig lokað fyrir umferð þar til um miðjan nóvember. Hjáleið frá Kringlumýrarbraut í gegnum bílaplan hótelsins verður hægt að nota. Þegar lagnavinnu er lokið verður skurði lokað og malbikað yfir. Endanlegur yfirborðsfrágangur, þ.m.t. efra malbikslagið og steypa á gangstétt, gæti þurft að bíða til vors 2026 en það fer eftir veðri. Ef svo fer munum við setja bráðabirgðamalbik á gangstétt til að tryggja öryggi.
Uppfært 3.9.2025: Vinnu við núverandi áfanga er að ljúka og þá tekur næsti við. Ljóst er að framkvæmdir hafa tafist af ýmsum ástæðum, einna helst vegna þess stór háspennustrengur sem liggur í götunni má ekki vera straumlaus í langan tíma í senn. Það hefur aukið flækjustigið og verktímann með.
Á morgun, fimmtudaginn 4.september á að fræsa malbikið í Sigtúni. Þá er mikilvægt að engir bílar séu í götunni.
Vinnusvæði: Í götu og gangstétt í Sigtúni, frá Kringlumýrarbraut að Gullteig.

Tímaáætlun: Apríl til Október 2025.
Uppfærð áætlun gerir ráð fyrir að framkvæmdum ljúki í nóvember.

Verkefnastjóri Veitna: Hörður J. Harðarson

Samskipti: Silja Ingólfsdóttir hjá þjónustu Veitna