Þau sem skráð eru fyrir mæli hjá Veitum geta fengið tilkynningar í tölvupósti þegar Veitur eru í framkvæmdum í nágrenninu og þegar vatn/straumur er tímabundið tekinn af.
Þá þarf að skrá samskiptaupplýsingar á Mínum síðum hér á vefnum.
Það er verið að grafa í götunni minni, hvað er að gerast?
Framkvæmdir og minni viðgerðir eru tilkynntar hér á vefnum undir bilanir og framkvæmdir.
Hvernig fæ ég tilkynningar frá ykkur?
Þau sem eru skráð fyrir mæli hjá okkur geta fengið tilkynningar í tölvupósti og/eða sms ef þau skrá samskiptaleiðir á Mínum síðum Veitna.
Verður tekið rafmagn/vatn af hjá okkur?
Það er líklegt að það gerist þegar nýjar lagnir eru tengdar, en þau sem eru skráð fyrir mæli hjá okkur geta fengið tilkynningar þess efnis í tölvupósti og/eða sms ef þau skrá samskiptaleiðir á Mínum síðum.
Verður gatan lokuð?
Það fer allt eftir hverri framkvæmd fyrir sig. Í stórum framkvæmdum uppfærum við reglulega á vefnum og sendum út upplýsingapósta.
Hvað verðið þið lengi?
Það fer allt eftir hverri framkvæmd fyrir sig. Í stórum framkvæmdum uppfærum við reglulega á vefnum og sendum út upplýsingapósta.
Öryggismálin á vinnusvæðinu eru ekki í lagi, hvað á ég að gera?
Við tökum því mjög alvarlega. Vinsamlega hringdu í okkur strax í síma 516-6000.
Veitur tóku af okkur aðgengi að bílastæðum, hvað á ég að gera?
Þú þarft að finna þér annað bílastæði á meðan framkvæmd stendur. Í einstaka tilfellum aðstoðum við með það, en þar sem framkvæmdir eru tímabundnar þá er það sjaldgæft.
Veitur lokuðu bílahúsinu okkar og bíllinn minn er fastur inni, hvað á ég að gera?
Láttu okkur vita í síma 516-6161 og við reynum að finna leið til að leysa það.
Rafmagnið var tekið af og lyfturnar virka ekki, hvað á ég að gera?
Það er því miður ekkert sem við getum gert í því. Það er þó sjaldan rafmagnslaust lengi. Í þeim tilfellum sem mikilvægt er að ávallt sé aðgengi að lyftu er hægt að hafa vararafstöð á staðnum. Þær fást í ýmsum stærðum og gerðum og hægt að kaupa eða leigja hjá mörgum aðilum.
Það eru skurðir út um allt, en það sést enginn að vinna í þeim.
Í stórum framkvæmdum koma gjarnan upp hnökrar við festur og lagnir sem þarf að hanna og smíða hjá okkur. Á meðan bíður skurðurinn opinn og öryggi við hann tryggt. Við höldum áfram vinnu um leið og það er hægt.
Það eru allir hættir að vinna hérna en það eru ennþá holur og skurðir út um allt
Þegar unnið er á stóru svæði eru lagnir gjarnan settar í skurðina, þeim lokað og haldið áfram. Eftir verða þó minni skurðir og holur sem eru síðar nýttar til að tengja lagnir. Þeim verður lokað þegar framkvæmdum á svæðinu lýkur og hægt er að tengja allt svæðið samtímis inn á kerfið.
Það eru allir farnir af vinnusvæðinu og illa malbikað
Við lok framkvæmda tekur við svokallaður yfirborðsfrágangur. Það kemur fyrir að bið sé eftir honum og í millitíðinni er sett bráðabirgðalausn, svokallað kaldbik, til að tryggja öryggi vegfarenda. Stundum er málað X á staðinn og það þýðir að frágangur sé til bráðabirgða. Kaldbikið verður fjarlægt og Veitur munu ganga vel frá yfirborði þegar færi gefst.
Áður var gangstéttin okkar hellulögð en eftir að Veitur komu er ljótt malbik komið í staðinn
Við lok framkvæmda tekur við svokallaður yfirborðsfrágangur. Það kemur fyrir að bið sé eftir honum og í millitíðinni er sett bráðabirgðalausn, svokallað kaldbik, til að tryggja öryggi vegfarenda. Stundum er málað X á staðinn og það þýðir að frágangur sé til bráðabirgða. Kaldbikið verður fjarlægt og Veitur munu ganga vel frá yfirborði þegar færi gefst.
Af hverju er búið að merkja stærra svæði en það sem auglýst var?
Það er líklega sprey til að merkja hvar lagnir liggja til að verktakar viti hvar þær eru. Það er ólíklegt að þar verði grafið.
Gróðurinn var eyðilagður hjá mér, hvað á ég að gera?
Ef Veitur ollu skemmdum á gróðri þá er best að tilkynna það beint til VÍS sem sér um öll tryggingamál okkar.
Það eru skemmdir á lóð hjá mér eftir ykkar vinnu, hvað á ég að gera?
Ef Veitur ollu skemmdum á lóð hjá þér þá er best að tilkynna það beint til VÍS sem sér um öll tryggingamál okkar.
Það er öll vinna búin á svæðinu en ennþá fullt af dóti eftir verktaka
Vinsamlega láttu okkur vita hvar það er til að við getum fylgt því eftir. Hér getur þú sent okkur ábendingu.