Yfir­taka heimlagna

Af hverju ættu viðskiptavinir að láta Veitur að taka yfir heimlögn?

Kostnaður við endurnýjun á heimlögnum getur orðið töluverður og Veitur eiga almennt allar heimlagnir í köldu og heitu vatni ásamt rafmagni þar sem Veitur eru með viðkomandi þjónustu.

Fráveitulagnir innan lóðar eru þó ávallt í eigu húseiganda og á ábyrgð þeirra. Það kemur þó fyrir að þessar lagnir nái út í götu alveg að þeim stað þar sem þær tengjast safnlögnum. Viðgerð undir götu getur orðið kostnaðarsöm fyrir húseigendur og þá er mælt með að óska eftir yfirtöku á þeim hluta.

Heimlagnir í köldu vatni eru þó við einstaka eldri hús í eigu húseiganda og þá mæla Veitur eindregið með því að eigendur óski eftir yfirtöku þeirra.

Yfirfærsla á ábyrgð:

Þegar Veitur taka yfir lagninar, sjá þeir um eftirlit og viðhald á lögnunum, sem er annars á ábyrgð húseiganda.

Ávinningur fyrir húseigendur:

• Minnkaður kostnaður: Eftirlit og viðhald færist frá húseigendum til Veitna. Með yfirtöku þá taka Veitur yfir lögnina frá lóðarmörkum og út í götu sem er stutt vegalengd en kostnaðarsöm ef eitthvað kemur upp á. Húseigandi þarf því ekki að endurnýja eða gera við þá lögn sem er oft á miklu dýpi stéttar og malbiks.
• Enginn kostnaður: Yfirtakan er húseigendum að kostnaðarlausu.

Veitur taka yfir fráveitulögn frá götu að fyrstu lóðarmörkum og kaldavatnslögnina frá götu og inn í hús.

Hvernig á að sækja um:

Þú getur sótt um yfirtöku á heimlögnum á Mínum síðum Veitna Sá sem er skráður sem greiðandi vatns- og fráveitugjalda þarf að óska eftir yfirtöku. Umsóknin skal gerð undir kaflanum „Vatn og fráveita“.