Áætlanir gera ráð fyrir að raforkunotkun á starfsvæði Veitna muni tvöfaldast á næstu 20-30 árum en spáin er byggð á mannfjöldaspám og fyriráætlunum um nýja byggð á höfuðborgarsvæðinu. Starfsfólk Veitna hefur undanfarin misseri lagt mikla vinnu í að greina hvers má vænta á komandi árum.
Búast má við aukningin komi nokkuð jafnt fram um allt veitusvæðið, en þó sérstaklega nálægt þeim þróunarásum sem Samtök sveitarfélaga á höfuðborgarsvæðinu hafa skilgreint. Áhrif hennar á dreifikerfið eru margvísleg, búast má við að lágspennulagnir í flestum hverfum þoli aukið álag að mestu, en að byggja þurfi upp flutningsgetu og spennaafl á hærri spennustigum (11-132kV) með tilheyrandi kostnaði og raski. Það má því búast við að á næstu 2-3 áratugum verði umtalsverð uppbygging á dreifikerfum rafmagns með það að markmiði að mæta aukinni eftirspurn en jafnramt að auka afhentingaröryggi, enda er stefnt að aukinni notkun raforku hér á landi í stað erlendra orkugjafa.
Rafveita Veitna rekur dreifikerfi í Reykjavík, Kópavogi, Garðabæ, Mosfellsbæ, á Seltjarnarnesi og á Akranesi. Orkunotkun á hvern íbúa hefur minnkað töluvert frá árinu 2008, fyrst og fremst vegna mun sparneytnari lýsingar og stórbættrar nýtingar almennra heimilstækja. Þannig hefur orkunotkun veitusvæðisins staðið í stað síðan 2008 þó íbúum hafi á sama tíma fjölgað um 20%. Orkuskipti í samgöngum og stórátak í húsnæðisuppbyggingu eru þó framundan og stefnir í mikinn viðsnúning í orkunotkun almennings.
Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.
Veitur, in collaboration with Elliðaárstöð, takes part in the Winter Lights Festival for the first time. With an electrifying experience for all the senses on Friday, February 2, from 6 to 9 p.m.
Orkan úr eldhúsinu er nýtt samvinnuverkefni Veitna og Sorpu sem miðar að því að endurnýta afgangsolíu úr eldhúsinu og vernda lagnir heimilisins.