Umfangsmikið viðhald í hreinsistöð skólps í Klettagörðum
Í næstu viku hefja Veitur framkvæmdir í hreinsistöð skólps við Klettagarða. Kominn er tími til að endurnýja búnað svo auka megi rekstraröryggi stöðvarinnar. Áætlað er að verkið taki 6-7 vikur og á meðan á því stendur aukast líkur á þvi að hleypa þurfi óhreinsuðu skólpi um neyðarlúgur í sjó, einkum í vætutíð.
Hægt er að fylgjast með stöðu neyðarlúga dælu- og hreinsistöðva fráveitu Veitna á Fráveitusjánni. Sett verða upp upplýsingaskilti við fjörur í nágrenni hreinsistöðvarinnar ef neyðarlúga er opin svo fólk haldi sig fjarri sjónum. Í framhaldinu verður fylgst með fjörum og þær hreinsaðar ef á þarf að halda.
Losun skólps í sjó í skamman tíma hefur ekki varanleg áhrif á lífríkið og örverur í skólpi lifa einungis örfáar klukkustundir í sjónum. Rusl í skólpinu er stærra vandamál. Það velkist um í sjónum og getur skolað upp í fjörur, öllum til ama. Fólk er því enn og aftur minnt á að ekkert á að fara í klósett nema líkamlegur úrgangur og klósettpappír.
Stafrænt kolefnisspor þessarar fréttar/greinar er áætlað 0,2 til 1,0g CO₂ ígilda á hverja heimsókn.
Latest news
See all newsVeitur eru ekki að hækka hitaveitugjald heimilanna um 50%. Þessi túlkun byggir á því að horfa einungis á einn hluta gjaldskrárinnar sem er núna 15% af heildarreikningi. Sólrún Kristjánsdóttir framkvæmdastýra Veitna fer yfir málin.„“
Helsta ástæðan er sú að í dag borgar fólk fyrir það sem það notar hverju sinni og notkun er meiri að vetri til.