Veðurspár benda til mikillar kuldatíðar í vikunni ásamt vindi sem mun hafa áhrif á afhendingu á heitu vatni sérstaklega á svæði Rangárveitna. Rangárveitur sjá Rangárþingi ytra, Rangárþingi eystra og Ásahreppi fyrir heitu vatni og munum við þurfa að skerða heitt vatn til ákveðinna stórnotenda þar. Það þýðir að sundlaugarnar á Laugalandi, Hellu og Hvolsvelli verða lokaðar frá og með miðvikudeginum 14. desember á meðan á kuldakastinu varir. Vonandi mun þetta ganga yfir á nokkrum dögum.
Sem fyrr hvetjum við fólk almennt, en þó sérstaklega á svæði Rangárveitna, til að fara vel með heita vatnið, ekki kynda híbýli sín óþarflega mikið og hafa glugga lokaða.
Til að mæta aukinni orkuþörf stækkandi samfélags og tryggja stöðuga afhendingu á heitu vatni til íbúa og fyrirtækja, þarf að byggja hitaveituna upp samhliða og erum við sannarlega að því.
Heitavatnslaust verður í Kópavogi, Garðabæ, Hafnarfirði, Norðlingaholti, Breiðholti og á Álftanesi frá kl. 22 mánudaginn 19. ágúst þar til á hádegi miðvikudaginn 21. ágúst.