Íbúar á höfuðborgarsvæðinu geta nú safnað afgangs matarolíu og fitu á heimilum sínum og skilað á næstu endurvinnslustöð Sorpu þar sem orkan í olíunni öðlast framhaldslíf.
Olía og fita geta valdið stíflum í lögnum heimilisins. Öll olía sem við notum í eldhúsinu býr yfir orku sem hægt er að endurnýta, t.d. steikingarolía, olía úr ostakrukkum og djúpsteikingarfeiti.
Best er að safna olíunni á flöskur eða plastbrúsa og koma henni á næstu endurvinnslustöð Sorpu.
Matarolían er send til hreinsunar og þaðan til íslenska fyrirtækisins Orkeyjar og hreinsuð olía síðan notuð í íslenskum sjávarútvegi. Matarolían er fyrirtaks endurvinnsluefni.
Látum ekki dýrmætt efni og orkuna í eldhúsinu fara til spillis heldur komum henni á Sorpu og verndum lagnirnar okkar í leiðinni. Nánar hér.
Vistorka ásamt Veitum og SORPU fengu styrk haustið 2022 úr hringrásarsjóðnum til að koma verkefninu af stað, með stuðningi frá umhverfis-, orku- og loftlagsráðuneytinu.
Þetta er afar mikilvægt verkefni fyrir umhverfið, hringrásarhagkerfið og einnig fyrir fráveitukerfið og lagnir í húsum.
Stutt kynnignarmyndband
Vel var mætt á viðburðinn „Hrein tækifæri – Straumhvörf í orkumálum“ sem haldinn var í Hörpu þann 18.apríl af okkur í Orkuveitunni.
Breytingar urðu á stjórn Veitna á aðalfundi félagsins sem haldinn var 18. apríl sl. Hrund Rudolfsdóttir kemur ný inn og tekur við sem formaður stjórnar af Guðrúnu Erlu Jónsdóttur sem tekur sæti Heru Grímsdóttur í stjórninni.