Notkun á heitu vatni hefur því verið í hámarki yfir langan tíma. Því þurfa Veitur að skerða vatn til sumra stórnotenda á höfuðborgarsvæðinu á morgun, það er til allra sundlauga og baðlóna, en Veitur forgangsraða alltaf til húshitunar. Spáð er hlýrra veðri á föstudag svo vonandi þurfum við ekki að skerða vatnið lengur en fram yfir hádegi á föstudag.
Vegna mikillar notkunar á heita vatninu þessa dagana gætu íbúar á einhverjum svæðum höfuðborgarsvæðisins fundið fyrir lækkun á þrýstingi. Við hvetjum fólk til að fara vel með varmann, athuga með þéttingar á gluggum og hurðum, tryggja að hitakerfið sé að virka rétt og láta ekki renna í heita pottinn á allra köldustu dögunum.
Til að mæta aukinni orkuþörf stækkandi samfélags og tryggja stöðuga afhendingu á heitu vatni til íbúa og fyrirtækja, þarf að byggja hitaveituna upp samhliða og erum við sannarlega að því.
Heitavatnslaust verður í Kópavogi, Garðabæ, Hafnarfirði, Norðlingaholti, Breiðholti og á Álftanesi frá kl. 22 mánudaginn 19. ágúst þar til á hádegi miðvikudaginn 21. ágúst.