Reikningar
Veitur gefa út reikninga vegna dreifingu á heitu vatni, köldu vatni og rafmagni, notkun á heitu vatni, notkun á köldu vatni og fráveitu. Veitur gefa einnig út reikninga vegna heimlagna.
Hvað er ég að borga fyrir á heimlagnareikningnum?
Þú borgar fyrir hverja lögn sem er lögð, þ.e. heitt og kalt vatn sem og rafmagn. Veitur leggja ekki fráveitulagnir frá húsum.
Gjöldin eru jöfnunargjöld fyrir lagnir og dekka hluta af heildarkostnaði Veitna við heimlagnir.
Ef Veitur þurfa að grafa fyrir lögnum og/eða ganga frá yfirborði þá er rukkað sérstaklega fyrir það.
Borga ég heimlagnareikning áður en verk hefst?
Nei, reikningurinn er hins vegar gefinn út þegar verkið nálgast framkvæmdarstig.
Af hverju borga ég sér fyrir heitt vatn, kalt vatn, fráveitu og rafmagn?
Hver miðill hefur sína eigin lögn og reikningurinn er sundurliðaður samkvæmt því. Auk þess hafa miðlarnir ólík virðisaukaskattsþrep.
Hvaða rukkun er þetta fyrir umframgreiðslu?
Það kostar aukalega þegar lagnir eru lengri en kemur fram í skilmálum.
Getið þið breytt eindaga á reikning?
Ef ekki er búið að vinna verkið þá er sjálfsagt að gera það. Reikningum fyrir verkum sem þegar hafa verið unnin verður ekki breytt.
Af hverju borga ég fyrir yfirborðsfrágang og annað?
Heimlagnagjöld miðast við ófrágengið yfirborð. Það þýðir að rukkað er sérstaklega fyrir það ef grafa þarf fyrir lögnum og/eða ganga frá yfirborði.
Af hverju er dýrara að fá heimlögn á sumum svæðum?
Í þéttbýli eru dreifikerfin viðameiri og minni kostnaður falin í að tengja hvert hús en í dreifbýli, m.a. vegna nálægðar við kerfið.
Í verðskrá eru tvær tegundir heimtauga: sumarhúsaheimtaugar og aðrar heimtaugar en sumarhúsaheimtaugar. Farið er eftir skráningu lóðarinnar í fasteignaskrá Húsnæðis- og mannvirkjastofnunar.
Af hverju borga ég meira fyrir sumarbústaðinn minn en einbýlishúsið í bænum?
Í þéttbýli eru dreifikerfin viðameiri og minni kostnaður falinn í að tengja hvert hús en í dreifbýli, m.a. vegna nálægðar við kerfið.
Dæmi um heimlagnareikning.