Reikningar
Veitur gefa út reikninga vegna dreifingu á heitu vatni, köldu vatni og rafmagni, notkun á heitu vatni, notkun á köldu vatni og fráveitu. Veitur gefa einnig út reikninga vegna heimlagna.
Greiðslumáti
Hvar get ég breytt greiðslumáta?
Inn á Mínum síðum Veitna er hægt að breyta greiðslumáta og skrá greiðslukort. Það er undir Reikningar - greiðslumátabreyting.
Hvaða greiðslumátar eru í boði?
Þrír greiðslumátar eru í boði.
Netreikningar - Krafa send í heimabanka.
Kreditkort/boðgreiðslur - Krafa er skuldfærð af korti.
Greiðsluseðill - Seðill sendur í pósti og krafa send í heimabanka.
Ég var að fá nýtt kort, af hverju er ekki skuldfært af því korti eins og var gert af gamla?
Ef þú ert með nýtt kort þarftu að skrá greiðslumáta aftur.
Af hverju getið þið ekki skráð greiðslumátabreytingu í kreditkort fyrir mig í gegnum síma?
Starfsfólk okkar tekur ekki við kortaupplýsingum í gegnum síma af öryggisástæðum. Með því að skrá kreditkort sem greiðslumáta á Mínum síðum Veitna er hægt að tryggja örugga dulkóðaða skráningu á kortaupplýsingum.
Ég kann lítið á tölvur á erfitt með að skrá kortið inn á mínum síðum hjá Veitum, hvað get ég gert?
Þér er velkomið að koma til okkar í afgreiðsluna á Bæjarhálsi 1 og við getum aðstoðað þig við að skrá kortið.
Ég er með skráð kreditkort hjá ykkur, af hverju fékk ég reikninginn sendan í heimabanka?
Ekki hefur tekist að skuldfæra af kortinu þínu fyrir reikningnum. Þá er reikningur sendur í heimabankann, næsti útgefni reikningur verður skuldfærður af kortinu.
Ég fékk sms um að skrá kort upp á nýtt, þar sem ekki náðist að skuldfæra af kortinu mínu. Af hverju þarf ég að skrá það upp á nýtt?
Ef ekki hefur tekist að skuldfæra af kreditkorti í þrjú skipti fellur greiðslumátinn niður og krafa þá send í heimabanka. Ef þú vilt að krafa sé áfram skuldfærð af kreditkorti þarft þú að skrá greiðslumáta upp á nýtt.
Ég var að skrá nýtt kreditkort, en er með kröfu inn á heimabankanum, er ekki hægt að skuldfæra af kreditkortinu fyrir henni?
Nei, það ekki hægt. Ekki er hægt að skuldfæra útgefna reikninga af kreditkortinu. Greiða þarf reikning í heimabanka. Næsti útgefni reikningur verður skuldfærður af kortinu.
Ég næ ekki að skrá kreditkortið mitt fyrir greiðslumátabreytingu inn á mínum síðum, það fer ekki í gegn. Hvað get ég gert?
Athugaðu hvort það gengur upp í öðrum vafra. Þú getur einnig sent okkur fyrirspurn hér.
Hvernig veit ég hvort að skráning á kortinu mínu hafi farið í gegn?
Við skráningu á greiðslumátabreytingu á að koma upp staðfesting á skjáinn að breyting hafi verið gerð. Ef þú ert ekki viss getur þú sent okkur fyrirspurn hér.
Hvernig afþakka ég bréfpóst/pappír?
Til þess þarftu að breyta greiðslumáta. Inn á Mínum síðum Veitna breytir þú greiðslumáta. Þar velur þú Reikningar, Greiðslumátabreyting og Reikningur í heimabanka, ef þú vilt ekki fá greiðsluseðil sendan heim í pósti.
Hvernig skrái ég mig í beingreiðslur?
Beingreiðslur eru skráðar hjá viðskiptabankanum þínum en ekki hjá Veitum. Þú þarft því að hafa samband við viðskiptabankann þinn varðandi beingreiðslur.
Ég fæ kröfu inn á heimabankann en sé ekki reikninginn þar inn?
Við sendum ekki afrit af reikningum í heimabanka, aðeins kröfuna sjálfa. Hægt er að nálgast sundurliðun á öllum reikningum inn á Mínum síðum Veitna.
Get ég skráð fyrirtækið mitt í rafræna reikninga í gegnum skeytamiðlun?
Þú getur sent okkur ósk um að skrá þann greiðslumáta hér.
Ekki er hægt að skrá þann greiðslumáta inn á mínum síðum hjá Veitum.
Þjónustugjöld
Hvaða þjónustugjöld er ég að borga?
Tilkynningar og greiðslugjald er þjónustugjald sem er tekið fyrir að stofna kröfu í banka og fella hana niður þegar hún hefur verið greidd.
Seðilgjald er gjald sem tekið er fyrir greiðsluseðla, en það gjald er fyrir útprentun og sendingu á greiðsluseðli í pósti.
Hvaða greiðslumáti er ódýrastur?
Reikningur sendur í heimabanka og krafa skuldfærð af kreditkorti.
Hvað er seðilgjald?
Seðilgjald er gjaldið sem tekið er fyrir kostnað á útprentun og sendingu á greiðsluseðli.
Hvaða þjónustugjöld eru innheimt?
Seðilgjald
Tilkynningar- og greiðslugjald
Aukaálestur
Skipting orkureiknings
Tímaraðamæling
Tímaraðamæling án Netorkusendingar
Innheimtuviðvörun
Lokunargjald
Lokunargjald fyrir lokun að beiðni notanda. Endurkoma vegna tengingar eða útkall v/ búnaðar notanda.
Gjald fyrir opnun utan dagvinnutíma
Gjald fyrir innheimtuaðgerð þar sem nauðsynlegt er að grafa niður á heimæð. Hér finnur þú verð skrá og upplýsingar um öll þjónustugjöld.