Hollráð um heitt vatn
Hvernig getum við nýtt heita vatnið betur?
Vandamál
Vandamál með heitt vatn
Húsið er vatnslaust!
Líklegar skýringar:
- Starfsfólk Veitna er að vinna í nágrenninu. Athugaðu hvort þú hafir fengið tilkynningu í tölvupósti eða sms, sjáir tilkynningu um bilun eða framkvæmdir efst hér á síðunni eða hringdu í þjónustuverið okkar í síma 516 6000.
- Einhver hefur lokað inntaki vegna framkvæmda innanhúss. Spurðu nágrannana.
- Frosið í heimæð eða inntaki. Hafðu samband við starfsmenn tengiþjónustu Veitna á afgreiðslutíma.
- Heimæðin farin sundur. Hafðu samband sem fyrst við þjónustuver Veitna í síma 516 6000.
Þrýstingur er lágur
Líklegar skýringar:
- Heitt vatn í krönum: Óhreinindi í síu í inntaki svo hún er stífluð. Hafa samband við þjónustuver Veitna í síma 516 6000.
- Heitt vatn á ofnum: Þrýstijafnari eða stjórnbúnaðurinn í húsinu getur bilað. Hafa samband við pípulagningamann.
Óhreinindi, brúnleitt vatn
Líkleg skýring:
- Óhreinindi úr dreifikerfinu eftir viðgerð. Hafa samband við þjónustuver Veitna í síma 516 6000.
Suð í lögnum
Líklegar skýringar:
- Sírennsli einhversstaðar í húskerfinu. Hafa samband við pípulagningamann.
- Heitt vatn: Mögulegur leki á heimæð. Hafa samband við þjónustuver Veitna í síma 516 6000.
- Ofnarnir: Suðar í ofnunum. Ofninn allur heitur. Hafa samband við pípulagningamann.
Högg og smellir í lögnum
Líkleg skýringar:
- Heitt vatn: Bilun í lögnum eða stjórnbúnaði hússins. Hafa samband við pípulagningamann.
- Heitt vatn, ef smellir eru við inntaksgrind: Hafa samband við þjónustuver Veitna í síma 516 6000.
Heitt vatn í köldum krönum og öfugt
Líklegar skýringar:
- Millirennsli í húskerfinu (hitastýrð blöndunartæki geta bilað og þar með kemst heita vatnið inn í kaldavatnslögnina og/eða öfugt eða tengt hefur verið milli krana t.d. í þvottahúsi eða bílskúr). Hafa samband við pípulagningamann.
- Millirennsli gæti átt sér stað í nærliggjandi húsum. Ef hægt er, biðja nágranna að athuga hjá sér, annars hafa samband við þjónustuver Veitna í síma 516 6000.
- Kalda vatnið volgt eða heitt en þó ekki hitaveituvatn (hægt að sjá ef kalda vatnið kólnar við rennsli í smá tíma) - Bilun á heimæð, heitt vatn lekur út og hitar kaldavatnsheimæð. Hafa samband við þjónustuver Veitna í síma 516 6000.
- Kalda vatnið volgt eða heitt en þó ekki hitaveituvatn (hægt að sjá ef kalda vatnið kólnar við rennsli í smá tíma) - Léleg einangrun á heitum og köldum lögnum sem liggja í sama stokk. Hafa samband við pípulagningamann.
- Heitt vatn í köldum lögnum: Sjá hér fyrir ofan, millirennsli úr dreifikerfinu.
Vont bragð af vatninu
Líkleg skýring:
- Kalt vatn: Í nýjum lögnum eða nýviðgerðum getur smitast snittolía og mak. Ráð: Skola vel út - lagast með tímanum - ef ekki hafa samband við þjónustuver Veitna í síma 516 6000.
- Heitt vatn í köldum lögnum: Sjá hér fyrir ofan millirennsli úr dreifikerfinu.