Stefna

Mannauðs-, öryggis- og heilsustefna Veitna

Veitur er eftirsóknarverður vinnustaður þar sem hæft og ánægt starfsfólk sinnir samfélagslega mikilvægum verkefnum í framsæknu og sveigjanlegu starfsumhverfi.

Við byggjum á árangursmiðaðri og fjölbreyttri liðsheild og saman berum við ábyrgð á að skapa menningu þar sem metnaðarfullt starfsfólk hefur burði til að mæta fjölbreyttum áskorunum og fær tækifæri til að vaxa.

Við tryggjum jafnrétti í inngildandi starfsumhverfi sem einkennist af virðingu og jöfnum tækifærum.

Við leggjum ríka áherslu á að vernda og efla velferð starfsfólks. Öll berum við ábyrgð á að koma auga á, meta og stýra hættum í vinnuumhverfinu. Ekkert verk svo mikilvægt eða áríðandi að hætta megi öryggi og heilsu fólks.

Mannauðs-, öryggis- og heilsustefna byggir á gildum og heildarstefnu Orkuveitunnar og er sett fram til samræmis við eigendastefnu Orkuveitunnar.

Lykiláherslur mannauðs-, öryggis- og heilsumála

* Jafnrétti, fjölbreytileiki og inngilding

* Heilsa, öryggi, vellíðan

* Þróun hæfni til framtíðar

* Árangursmiðuð liðsheild

Jafnrétti, fjölbreytileiki og inngilding

Við framkvæmum jafnrétti. Fjölbreytileikinn er styrkur okkar og saman byggjum við inngildandi starfsumhverfi þar sem öll eiga rétt á að tilheyra, vaxa, hafa rödd og njóta trausts.

* Einelti, áreitni eða ofbeldi er aldrei liðið og það er sameiginleg ábyrgð okkar allra að koma í veg fyrir slíkt

* Stjórnendur bera ábyrgð á því að framkvæma jafnrétti

* Við erum forystuafl fjölbreytileika og óhrædd við að ögra viðteknum hefðum

Heilsa, öryggi, vellíðan

Við eflum öryggi og heilsu með því að stýra áhættum, læra af atvikum, vera sýnileg á verkstað og bjóðum markvissan stuðning við heilsu og heilbrigði starfsfólks

* Við styðjum við vellíðan og heilbrigðan lífsstíl með góðri aðstöðu og forvörnum

* Við stýrum áhættum í hverju verki og sköpum öruggt vinnuumhverfi

* Við skráum atvik, greinum, lærum og notum niðurstöður til umbóta

* Við sýnum stuðning á verkstað, þar sem stjórnendur ræða við starfsfólk, hlusta á þeirra reynslu og hjálpa til við að finna lærdóm og lausnir
Við uppfyllum kröfur í formi laga, reglna og reglugerða um öryggis- og heilbrigðismál

Þróun hæfni til framtíðar

Starfsfólk fær tækifæri til að vaxa, sýna frumkvæði og nýta hæfileika sína til að knýja áfram framþróun í starfseminni sem og samfélaginu öllu. Með framsýnni forystu og fjölbreyttum starfsþróunarleiðum sköpum við lærdómsmenningu til að takast á við áskoranir framtíðarinnar.

* Við kortleggjum hæfniþörf og tengjum við persónulegan vöxt, stefnu og framtíðaráskoranir

* Við hvetjum til ábyrgðar og frumkvæðis þegar kemur að lærdómi og vexti

* Við byggjum upp lærdómsumhverfi og grípum tækifæri til nýsköpunar

Árangursmiðuð liðsheild

Við vinnum sem ein liðsheild. Menningin okkar styður við fagmennsku, skilvirk vinnubrögð og sveigjanleika til að takast á við fjölbreytt viðfangsefni.

* Við treystum starfsfólki til að takast á við verkefni af ábyrgð og frumkvæði

* Við leggjum áherslu á opið samtal, uppbyggilega endurgjöf og sýnilegan árangur

* Við byggjum árangursmiðaða liðsheild á trausti, skýrum væntingum og samstilltu framlagi starfsfólks

* Við sköpum starfsfólki aðstæður til að samræma kröfur milli vinnu og annarra þátta lífsins

[Stefnan samþykkt á stjórnarfundi 21.5.2025]