Um Veitur

Veitur hafa sett upp búnað til að lýsa hluta þess kalda vatns sem íbúar borgarinnar fá úr vatnsbólunum í Heiðmörk. Með því eru örverur, sem geta borist í vatnsbólin, gerðar óvirkar áður en vatninu er veitt út í dreifikerfið. Vatn úr borholum á svokölluðu neðra svæði vatnstökusvæðisins í Heiðmörk fer í gegnum lýsingarbúnaðinn.

Í dag voru veitt verðlaun fyrir MeMa - Nýsköpunarhraðal framhaldsskólanna en Veitur eru einn af aðalstyrktaraðilum verkefnisins sem miðar að því að nýta sköpunarkraft ungs fólks til að takast á við áskoranir framtíðarinnar. Í ár fólst áskorunin í því að búa til frumgerð vöru sem nýtist þegar tekist er á við áskoranir í loftslagmálum sem er eitt af heimsmarkmiðum Sameinuðu þjóðanna.

Kröfur sem gerðar eru til þeirra hugmyndar og frumgerðar sem hlýtur verðlaunin er að hún sé líkleg til að hafa jákvæð áhrif á loftslagsmál og eigi möguleika á því að vera innleidd eftir frekari þróun.

Nú standa yfir prófanir á losun bakvatns hitaveitu í regnvatnslagnir fráveitu í Árbæ. Tilgangur tilraunanna er að meta hversu mikið af vatni, sem farið hefur í gegnum hitaveituna í hverfinu, er óhætt að losa án þess að hitastig í viðtaka breytist. Losunarstaðir vatnsins eru á 16 stöðum sem allir leiða út í annað hvort Elliðaár eða Grafarvog.

Veitur og Garðabær hafa gert með sér samkomulag um uppbyggingu innviða fyrir hleðslu rafbíla í bænum. Markmiðið er að koma upp hleðslubúnaði fyrir rafbíla þeim til afnota sem síður geta  komið slíkum búnaði upp heima fyrir og starfsfólki Garðabæjar.  Innviðir fyrir hleðslubúnaðinn verða byggðir upp á fjórum stöðum í landi Garðabæjar eða á lóðum tengdum stofnunum sveitarfélagsins og er áætlað að þeir verði tilbúnir á næsta ári. Þeir staðir sem um ræðir eru Ásgarður, Akrar, Sjálandsskóli og Hofsstaðaskóli.

Í dag og á morgun vinnum við að því að koma niður afkastameiri dælu í aðra borholuna í Kaldárholti. Notkun á heitu vatni hefur verið meiri en búist var við miðað við veðurspá og því höfum við þurft að grípa til þess ráðs að loka fyrir heita vatnið á ákveðnum svæðum. Við munum halda því áfram en færa lokanirnar milli svæða svo enginn verði án heits vatns til lengri tíma.

Tekin hefur verið ákvörðun um að fresta sölu hitaveitu og vatnsveitu Veitna í Bláskógabyggð. Við yfirferð á sölugögnum, sem áhugasamir kaupendur gátu fengið afhent hjá Veitum, kom í ljós skekkja í upplýsingum. Því hefur verið ákveðið að afturkalla núverandi gögn og að fresta sölu veitnanna um hríð eða þar til sölugögn hafa verið yfirfarin og leiðrétt. 

Vatnsveita og hitaveita Veitna í Bláskógabyggð voru auglýstar til sölu í byrjun nóvember. Um er að ræða veitur er einkum þjóna sumarhúsum á svæðinu og eru þær meðal minnstu rekstrareininga fyrirtækisins. 

Í tilefni umfjöllunar Bændablaðsins í dag vilja Veitur koma þessu á framfæri:

Í upphafi þessa árs greindu Veitur opinberlega frá breytingum á afsláttarkjörum á heitu vatni sem ganga í gildi 1. janúar 2020.

Markmið breytinganna er að auka jafnræði um afsláttarkjör Veitna gagnvart viðskiptavinum með svipaða notkun á heitu vatni, hvaða atvinnurekstur sem þeir stunda.

Vegna tengingar hitaveitu má reikna með að heitavatnsþrýstingur verði lágur í Vogahverfi, Laugarási og við Laugardal í Reykjavík mánudaginn 11. nóvember og heitavatnslaust þar sem byggð stendur hærra. Laugardalslaug verður lokuð vegna vinnunnar og reikna má með að lokunin hafi áhrif á þjónustu á svæðinu.